Ads Area

International Human Solidarity Day - આંતરરાષ્ટ્રીય માનવ એકતા દિવસ

International Human Solidarity Day
(Image: Pixabay.com)

દર વર્ષે ૨૦ મી ડિસેમ્બરને વિશ્વ માનવ એકતા દિવસ (International Human Solidarity Day) તરીકે ઉજવવામાં આવે છે. યુનાઈટેડ નેશન્સે વિવિધતામાં એકતાનું મહત્વ સમજાવવા માટે આ દિવસની ઉજવણી કરવાની જાહેરાત કરી હતી. આ જાહેરાત વર્ષ ૨૦૦૫ માં કરવામાં આવી હતી. ત્યારથી લઈને વિશ્વ માનવ એકતા દિવસ દર વર્ષે ૨૦ મી ડિસેમ્બરના રોજ ઉજવવામાં આવે છે. ભારતમાં રાષ્ટ્રીય એકતા દિવસની ઉજવણી સરદાર વલ્લભભાઈ પટેલની જન્મજયંતીએ ૩૧ મી ઓકટોબરના રોજ કરવામાં આવે છે.

વિવિધતામાં એકતા બતાવવા માટે, વિવિધ સરકારોને આંતરરાષ્ટ્રીય કરારોની યાદ અપાવવા માટે , લોકોમાં, એકતાનું મહત્વ જણાવવું, લોકોને, સતત વિકાસ માટે સરકારને પ્રેરિત કરવા, ગરીબી દૂર કરવાના નવા રસ્તાઓ શોધવા, લોકોને ગરીબી, ભૂખમરો અને અન્ય બીમારીઓમાંથી બહાર કાઢવા માટે વિશ્વ માનવ એકતા દિવસની ઉજવણી કરવામાં આવે છે અને આ તેના મુખ્ય હેતુ છે.

વિશ્વમાં પરસ્પર સહકાર અને સંવાદિતાને પ્રોત્સાહન આપવા માટે, આંતરરાષ્ટ્રીય માનવ એકતા દિવસનો વિચાર સૌપ્રથમ યુનાઇટેડ નેશન્સ જનરલ એસેમ્બલી દ્વારા પ્રસ્તાવિત કરવામાં આવ્યો હતો જેથી વિવિધ દેશોના આંતરરાષ્ટ્રીય સંબંધોને મજબૂત બનાવી શકાય અને પરસ્પર સહકારની ભાવના વધારી શકાય. આ માટે, ૨૨ ડિસેમ્બર ૨૦૦૫ ના રોજ ઠરાવ ૬૦/૨૦૯ દ્વારા માનવ એકતાના મૂલ્યને માન્યતા આપવામાં આવી હતી અને દર વર્ષે ૨૦ મી ડિસેમ્બરના રોજ આંતરરાષ્ટ્રીય માનવ એકતા દિવસ ઉજવવાનું નક્કી કરવામાં આવ્યું હતું.

આ દુનિયા વિવિધતાઓથી ભરેલી છે, જેમાં વિવિધ ભાષાઓ, સંસ્કૃતિ અને જાતિના લોકો અહીં રહે છે. વિવિધ દેશો વચ્ચે એકતાના અભાવ અને હિતોના સંઘર્ષને કારણે ઘણી વખત વિશ્વએ યુદ્ધ, હિંસા, આતંકવાદ અને અન્ય સમસ્યાઓનો સામનો કરવો પડ્યો છે, જેના કારણે સમગ્ર માનવજાતને ભોગવવું પડ્યું છે. આવી સ્થિતિમાં, વિવિધ દેશોના નાગરિકો વચ્ચે પરસ્પર સહયોગ અને એકતા દ્વારા જ આ બધી ઘટનાઓને રોકી શકાય છે. વિશ્વના વિવિધ દેશો વચ્ચે એકતા અને ભાઈચારો વધારવા અને પરસ્પર સહયોગ અને સુમેળ સાથે વિવિધ દેશો વચ્ચે વિકાસની ગતિને પ્રોત્સાહન આપવા માટે એકતા દિવસનું આયોજન કરવામાં આવે છે. વિવિધતાથી ભરેલા વિશ્વમાં સર્વસમાવેશક વિકાસ માટે વિશ્વના વિવિધ દેશો વચ્ચે એકતા હોવી જરૂરી છે જેથી તમામ દેશો પરસ્પર આર્થિક રીતે પ્રગતિ કરી શકે.

સમગ્ર ઈતિહાસમાં એકતા એ મહાન માનવ ગુણ ગણાય છે. વિશ્વના ઈતિહાસ પર નજર કરીએ તો ખબર પડે છે કે વિશ્વમાં તમામ મહાન કાર્યો મનુષ્યની એકતા અને સહકારથી જ શક્ય બન્યા છે. વિશ્વના તમામ મહાન અને મોટા કાર્યો માટે માનવ એકતા જરૂરી છે. આ સાથે, માનવજાતની વિવિધ સમસ્યાઓ જેમ કે ભૂખમરો, ગરીબી, નિરક્ષરતા, આતંકવાદ અને અન્ય સમસ્યાઓનો ઉકેલ સામૂહિક પ્રયાસો દ્વારા જ મેળવી શકાય છે. આવી સ્થિતિમાં આ તમામ સમસ્યાઓના ઉકેલ માટે માનવ એકતા જરૂરી છે.

વિશ્વના સર્વસમાવેશક વિકાસ માટે અને વિવિધતામાં એકતાના જીવનમૂલ્યને સાકાર કરવા માટે પણ એકતાને આવશ્યક માનવામાં આવે છે. સસ્ટેનેબલ ડેવલપમેન્ટ ગોલ હાંસલ કરવા માટે એકતાનું મહત્વ અને સર્વસમાવેશક વિકાસ હાંસલ કરવા માટે આંતરરાષ્ટ્રીય માનવીય એકતા મહત્વપૂર્ણ છે. આંતરરાષ્ટ્રીય સંબંધોના મુખ્ય મૂલ્યોમાં એકતાને એક મહત્વપૂર્ણ મૂલ્ય તરીકે વ્યાખ્યાયિત કરવામાં આવે છે.

ટિપ્પણી પોસ્ટ કરો

0 ટિપ્પણીઓ
* Please Don't Spam Here. All the Comments are Reviewed by Admin.

Top Post Ad

Below Post Ad

Ads Area